Slik er vi organiserte
Her får du oversikt over korleis Kulturdirektoratet er organisert.
Organisasjonskart
Avdelingar
Verksemdsstyring
Avdelingen har ansvar for strategisk og operativ styring av Kulturdirektoratet. Den skal sikre drift i samsvar med god praksis for offentleg forvaltning, føringane og instruksane til departementet, og interne strategiar og mål. Seksjonane i avdelinga har utførande ansvar for digitalisering og IKT, mål- og risikostyring, økonomi, juss, HR og drift. Avdelinga er fagleg støtte for andre avdelingar innanfor desse områda.
Seksjonar under Verksemdsstyring:
- Økonomi og juss
- Digitalisering og IKT
- HR og drift
Kommunikasjon
Avdelingen har det faglege ansvaret for intern og ekstern kommunikasjon, og for å gjennomføre eksterne arrangement. Kommunikasjonsarbeidet skal gjere oppgåvene for verksemda betre kjent for viktige målgrupper og for befolkninga, og leggje til rette for god dialog med styresmakter. Kommunikasjonsavdelinga handterer mediekontakt på vegner av Kulturdirektoratet og dei uavhengige organa Kulturrådet, Statens kunstnarstipend og Fond for lyd og bilete.
Kunstnarisk produksjon og formidling
Avdelingen skal sikre god forvaltning og utvikling av Kulturdirektoratet som sekretariat for dei uavhengige organa Kulturrådet, Statens kunstnarstipend og Fond for lyd og bilete. Tilskotsforvaltning og anna saksbehandling er ein sentral del av dette arbeidet. Avdelinga driv informasjons- og rettleiingsarbeid, produserer kunnskap, greier ut og gir råd til departement og uavhengige organ. Avdelinga har utstrekt dialog med kunst- og kulturfeltet, og bidreg at kunst og kultur av høg kvalitet blir laget og gjort tilgjengeleg for flest mogleg.
Seksjonar under Kunstnarisk produksjon og formidling:
- Litteratur og scenekunst
- Visuell kunst og musikk
- Kunstnerøkonomi og innovasjon
Samfunn og arena
Avdelingen forvaltar Kulturdirektoratets ansvar for å utvikle og styrkje museumssektoren i Noreg, og for å vareta kulturarven i landet. Avdelinga hjelper til i forvaltninga av statstilskot til museum og kulturinstitusjonar, og er sekretariat for Kulturrådets tverrgåande ordningar. Avdelinga er ansvarleg for det internasjonale samarbeidet for verksemda, mangfaldsoppdrag, klima- og miljøarbeid, og arbeid med samar og nasjonale minoritetar.
Seksjonar under Samfunn og arena:
- Museum og kulturarv
- Infrastruktur og mangfold
- Internasjonalt samarbeid
Kulturanalyse
Avdelingen har det samla ansvaret for Kulturdirektoratets arbeid med statistikk, kunnskap og analyse, og bidreg til at direktoratet er aktiv i samfunnsdebatten. Avdelinga skal produsere og formidle kunnskap som er relevant både for direktoratet og kultursektoren, og bidra til at Kulturdirektoratet er ein tydeleg rådgivar overfor Kultur- og likestillingsdepartementet.
Uavhengige organ
Kulturrådet, utvalet for Statens kunstnarstipend og styret for Fond for lyd og bilete er uavhengige organ som gir tilskot til kunst- og kulturprosjekt og kunstnarskap over heile landet. Kulturrådet er utnemnd av Kongen i statsråd. Utvalet for Statens kunstnarstipend og styret for Fond for lyd og bilete er utnemnt av Kultur- og likestillingsdepartementet. Kulturdirektoratet er sekretariat for dei uavhengige organa.