Fagleg utval for tidsskrift og kritikk

Alle medlemmane i fagleg utval for tidsskrift og kritikk har kompetanse på tidsskrift og kritikk. Dei er òg spesialistar på kvar sine fagfelt, og som gruppe dekker dei kunstretningane musikk, scenekunst, visuell kunst, sakprosa og skjønnlitteratur, men òg medium og offentlegheit, historie og samfunnsfag.

Utval for perioden 2026–2027

Leiar

Sigurd Tenningen (f. 1982), Kristiansand, Agder. Felta litteratur, kritikk og visuell kunst. Ph.d. i litteraturvitenskap, Universitetet i Agder (Jordens ubevisste hukommelse. Tor Ulven som arkeolog). Tenningen forskar på og underviser i nordisk litteratur på alle nivå ved Universitetet i Agder, skriv kritikk, essays og skjønnlitteratur, og har kuratert serier av utstillingar og publikasjonar ved Kristiansand Kunsthall/ Lord Jim Publishing. Leiar den tverrfaglege forskingsgruppa SENSUS COMMUNIS – Literature, Aesthetics, Nature.

Medlemmar

Åse Løvgren (f. 1975). Bergen. Visuell kunst. Løvgren er biletkunstnar, kunsthistorikar og kurator. Siste utdanning frå filosofi. Prosjektutviklar ved BEK, underviser ved fakultet for musikk, kunst og design, UiB. Røysnle med tidsskrift og kritikk som redaksjonsmedlem i Norsk kunstårbok, og andre, og eiga skriving for m.a. Billedkunst, The Exhibitionist og B-post. Røynsle frå jury- og komitéarbeid i Fond for Lyd og bilde og Statens kunstnerstipend.

Liv Inger Somby (f. 1962). Busett i Guovdageaidnu/ Kautokeino, oppvoksa i finsk Sàpmi. Felta medier og offentlighet. Rektor ved Sámi allaskuvla/ Samisk høgskole, der ho tidlegare har undervist i urfolksjournalistikk. Tidlegare medlem av Sannings- og fornorskingskommisjonen,  kommunikasjonsdirektør i Sametinget og journalist for NRK Sápmi, SVT, Sámi Áigi og prosjektleder i Murmansk oblast, Russland. Lærebokforfattar.

Bård Larsen (f. 1962). Oslo. Felta historie, demokrati og sakprosa. Prosjektleiar og historikar i tankesmia Civita, med særleg kompetanse på liberalt demokrati og autoritære/illiberale ideologiar og strømmingar. Sakprosakritikar, publisert i mellom anna Prosa, Minerva og Ballade.

Grace Tabea Tenga (f. 1994), Oslo. Felta scenekunst og dans. Tabea Tenga dansar i det svarte kvinnekollektivet b16, og er også aktivist. Som utøvande kritikar er ho i tidsskrift som Scenekunst.no, Kunstkritikk.no, Periskop.no og fleire. Ho les og skriv frå eit feministisk og dekolonialistisk perspektiv, sit i Heddapris-juryen, og har også praksis som psykolog.

Varamedlemmar

Morten Wintervold (f. 1981), Tromsø, Troms og Finnmark. Lyrikk-, tidsskrift og kritikkfeltet, samt visuell kunst og omsetting. Wintervold er poet og tidlegare tidsskriftredaktør. Wintervold har røynsle i vurderingsarbeid frå Den norske Forfatterforening sitt Litterære råd og Kulturfondets vurderingsutval for lyrikk, og er universitetslektor ved Forfatterstudiet på Universitetet i Tromsø.

Maren Ørstavik (f. 1986), Oslo. Felta musikk, scenekunst, litteratur, barn og unge. Er journalist, kritikar og forfattar, som har skrive frilans for Ballade, Jazznytt, Periskop, Scenekunst, og er fast meldar for Aftenposten. Ørstavik har lang og brei røynsle med jury- og styreverv innanfor musikkbransjen, og er òg romanforfattar, som skriv for barn og unge.