Vår rolle i filmfeltet

• Kulturdirektoratet og dei tre uavhengige organa Fond for lyd og bilete, Kulturrådet og Statens kunstnarstipend forvaltar ein mindre del av dei statlege midlane til filmfeltet.
• Norsk filminstitutt har hovudansvar for dei statlege verkemidla og rettar seg mot ei større breidd av audiovisuelle produksjonar og tiltak.
• Internašunála Sámi Filbmainstituhtta (Internasjonalt Samisk filminstitutt) har eit særleg ansvar for samisk film i Noreg og dei regionale filmsentera og -fonda har ansvar for å utvikle bransjen i regionane.

Kven bestemmer?

Kulturdirektoratet nyttar ikkje filmkonsulentar i åremålsstillingar, slik Norsk filminstitutt, Internasjonalt Samisk filminstitutt og dei regionale filmsentra og filmfonda gjer.

• Ordningane innan Fond for lyd og bilete, Kulturrådet og Statens kunstnarstipend blir forvalta av dei tre organa. Kulturdirektoratet er sekretariat for organa og rettleier søkjarar og utbetaler midlar.
• Ordninga Norsk-islandsk kultursamarbeid blir forvalta av Kulturdirektoratet på oppdrag frå Kultur- og likestillingsdepartementet. Det er Kulturdirektoratet som rettleier søkjarar, vurderer søknader og gjer vedtak.
• Ordningane innan Kreativt Europa blir forvalta av EU. Kulturdirektoratet rettleier norske søkjarar på Kulturprogrammet mens NFI rettleier norske søkjarar på MEDIA-programmet.
• Ordningane innan EØS-midlane til kultur blir forvalta av kvart enkelt mottakarland. Kulturdirektoratet rettleier og bistår norske søkjarar, og følgjer opp kulturprogrammene i alle mottakerlanda.