Afrikansk kultur blir meir synleg i heile Noreg i 2026
– Prosjekta som får tilskot bidreg til ei tydeleg markering av FN-tiåret i heile Noreg. Dei mange søknadene viser stort engasjement og eit behov for meir synleg kultur med afrikanske røter. Sjølv om ikkje alle kunne få støtte, vil dei utvalde prosjekta bidra til auka synlegheit, mangfald og inkludering, og gi personar med afrikansk bakgrunn ein tydelegare plass i offentlegheita, seier Torbjørn Urfjell, direktør for samfunn og arena i Kulturdirektoratet.
Stor interesse
FN sitt tiår for menneske av afrikansk opphav (2025–2034) har som mål å fremje anerkjenning, rettferd og utvikling av kulturar med afrikanske røter over heile verda.
For å bidra til ein aktiv oppstart av det nye tiåret i Noreg, har regjeringa sett av to millionar kroner i spelemidlar til markeringar. Kulturdirektoratet forvaltar tilskotsordninga. Vi fekk 50 søknader med eit samla beløp på over 15 millionar kroner.
| Prosjekttittel | Søkjar | Tilskot |
|---|---|---|
| Afrikansk kulturutstilling og kunstmarkering | Kulturbryggeriet | 120 000 kroner |
| Kulturmøte fra Afrikas horn | SAFO Rogaland | 120 000 kroner |
| Bli synlig - Kvinner i Nord | Stiftelsen Kvinneuniversitetet Nord | 200 000 kroner |
| Sons de Angola – en musikalsk feiring av angolansk arv og samtid | Tatiana De Fatima Palanca Lopes Pereira | 300 000 kroner |
| Afrika i Sør: Kunst, kultur og fellesskap | Afrikansk kulturforening Kristiansand | 200 000 kroner |
| African Cinema in Spotlight | Bergen filmklubb | 34 000 kroner |
| Stemmer fra Afrika – litteratur og kunst | Foreningen litteraturhuset i Trondheim | 100 000 kroner |
| Kulturprogram om afrikansk og afrodiasporisk kunst, historie og kulturarv i Norge - Black History Month Norway 2026 | Organisasjonen mot offentlig diskriminering | 400 000 kroner |
| Øst-afrikanske stemmer i Norge – Kultur, historie og samfunnsdeltakelse | NOREAF | 250 000 kroner |
| Mangfold i bevegelse – afrikanske uttrykk og kulturelle møteplasser | Hamar kommune | 120 000 kroner |
