Barndommen sine landskap og hus
Kunstformidling og kunnskapsutvikling
Deltakarar/ Samarbeidspartnarar: Høgskulen i Sogn og Fjordane, Sogn Kunstsenter, 5 klasse ved Lærdalsøyri skule og Lærdalsøyri barnehage, 20 born i alderen 4 -5 år.
Tema: landskap, hus og fargar med utgangspunkt i Lærdalskunstnaren Hans Gjesme sin kunst.
Kunstprosjektet er støtta av Kunstløftet, Norsk kulturråd og skal utvikle arenaer for kunstmøter, kunstformidling og produksjon av skapande visuelt arbeid for barn og unge knytta til Sogn Kunstsenter i Lærdal.
Prosjektet handlar om å nærme seg kunsten saman med barn og å stimulere barn til å utvikle eigne uttrykk. Det handlar om å ha ein innfallsvinkel som kombinerer utforsking, undring, formidling, filosofering og refleksjon.
Prosessen skjer på ungane sine premissar, mens leiaren bruker den fagleg kunnskapen og innsikta ho har til å rettleie barna. Arbeidet skjer i ein skapande prosess, ein kunstnarleg arbeidsform. Dette krev både openheit, respekt og audmjukheit overfor dei som er med: det dei seier og arbeidet dei gjer. Gjennom å stille spørsmål, lytte, observere og fabulere saman med barna kan nye vegar og løysingar utviklast. Prosjektet skal munne ut i ei utstilling av både ferdige arbeid og dokumentasjon av arbeidsprosessen på Sogn Kunstsenter i slutten av oktober 2012. Prosjektet vert dokumentert gjennom video, fotografi og blogg.