Kulturdirektoratet lyser ut oppdrag om å måle berekraftsarbeidet til kultursektoren

Kultur- og likestillingsdepartementet har gitt Kulturdirektoratet i oppdrag å måle klimagassutsleppet frå kultursektoren og følgje effektane av berekraftsarbeidet i sektoren over tid. Kulturdirektoratet lyser no ut eit offentleg anbod om bistand til oppdraget, som er todelt:

1) Utvikle indikatorsett og metode for å kunne måle og følgje effektar av berekraftsarbeid i sektoren, utover klimagassutslepp. 

2) Gjennomføre ei representativ første måling av klimagassutslepp i sektoren som skal fungere som nullpunkt for vidare måling. 

Formålet med oppdraget er å støtte kultursektoren i grøn omstilling, og bidra til at sektoren jobbar meir berekraftig i eit langtidsperspektiv. Oppdraget må sjåast i samanheng med klima- og miljøprogrammet for kultursektoren, som vi lanserte i januar. Den framtidige samarbeidspartnaren vår i oppdraget må ta omsyn til at sektoren består av små og store aktørar med ulik kapasitet og aktivitetsnivå, når metodar for å måle utslepp og effektar skal utviklast.

Sjå heile utlysinga i Database for offentlege innkjøp