Informasjonsmøte om ny tilskotsordning for forsking og masterstipend
Kulturrådet inviterer til informasjonsmøte om ny tilskotsordning for kunst- og kulturforsking. Det blir også informert om masterstipend frå både Kulturrådet og Kulturdirektoratet.
|
25. februar 2025 kl. 10:00 - 11:00 |
|
|
Digitalt |
|
|
Kulturrådet |
Forskarprosjekt og masterstipend frå Kulturrådet
Kulturrådet etablerer våren 2025 ei ny tilskotsordning for kunst- og kulturforsking. Formålet med tilskotsordninga er å styrkja forsking med relevans for Kulturrådet, kulturpolitikken og kunst- og kultursektoren generelt. Tilskotsordninga skal bidra til å få fram ny kunnskap, rekruttera nye forskarar og styrke eksisterande forskingsmiljø.
Innanfor den nye tilskotsordninga vil det også gitt masterstipend. Målet er mellom anna å rekruttera framtidige forskarar til feltet.
Sjå nyheitssak om Kulturrådets tilskotsordning her.
Masterstipend til mangfaldsprosjekt
Våren 2025 lyser også Kulturdirektoratet ut masterstipend. Utlysinga gir tilskot til masterprosjekt som berører mangfaldsrelevante tematikkar.
Sjå nyheitssak om Kulturdirektoratets og Kulturrådets masterstipend her.
Søknadsfrist for begge utlysinga er 2. april 2025
Program
På dette møtet vil Jan Fredrik Hovden, leiar av Kulturrådets forskingsutval, informera om den nye tilskotsordninga. Hovden og Kulturrådets sekretariat vil svara på spørsmål.
Anne Ogundipe, seniorrådgivar i Kulturdirektoratet, vil informera og svara på spørsmål om Kulturdirektoratets utlysing av masterstipend våren 2025.
Her kan du sjå retningslinjer for Kulturdirektoratets utlysing av masterstipend.