Áŋgiruššan sámi ja unnitloguálbmogiid kulturaktevrraid ektui

Áŋgiruššan galgá addit vejolašvuođa suodjalit álbmotjoavkkuid historjjáid ja kulturárbbi, muhto maiddái ovdánahttit ođđa organisereme, gelbbolašvuođa, fierpmádaga, visttiid ja deaivvadansajiid boahtteáigái. Vuosttaš ohcanáigi lea njukčamánu 4. beaivvi.

- Álgoálbmogat ja našuvnnalaš unnitlogut Norggas leat historjjá čađa vásihan – ja vásihit ain systemáhtalaš olggušteami ja váilevaš dohkkeheami našuvnnalaš kultureallimis. Mii háliidit ovddosguvlui váikkuhit nannoseappot álgoálbmogiid ja našuvnnalaš unnitloguid vejolašvuođaid dokumenteret, doaimmahit ja ovdánahttit sin kultuvrra ja dáidaga, dadjá Sigmund Løvåsen, Kulturráđi ráđđejođiheaddji.

Ruđat leat juogaduvvon golmma ortnegiidda:

• 2 millijovnna ruvnno ortnegiidda ovdánahttindoaimmaide kulturaktevrraide
• 1 millijovnna ruvnno ARENAii – doarjjaortnet visttiide ja infrastruktuvrraide
• 1,5 millijovnna ruvnno projeaktadoarjjan kultursuodjalemiide

Áŋgiruššan álggii 2024 oassin Kulturráđi čuovvoleapmin Duohtavuođa- ja seanadankommišuvnna raportii, ja joatká 2025. Liigeruđat leat vuosttaš vuorus mearriduvvon doaimmaide mat rasttildit surggiid ja kultursuodjaleapmái, muhto nannet sámi ja našuvnnalaš unnitlogu álbmogiid dáidaga ja kultuvrra lea oppalaččat vuoruhuvvon suorgi Kulturráđi bealis.

Ovdánahttin, gelbbolašvuohta ja fierpmádat

Ovdánahttindoaimmat kulturaktevrraide juolluda doarjaga fierpmádathuksemii, gelbbolašvuođaloktemii ja ovdánahttit kulturaktevrraid. Ulbmilin lea váikkuhit valjibut máŋggadáfotvuhtii, guoskevaš, iskkadeaddji ja doallevaš dáidda- ja kultursuorgái.

Kulturráđis lei vástideaddji áŋgiruššan dákkár ortnegiin 2024, oaivvilduvvon sámi, kveanaid, norggasuopmelaččaid ja vuovdesuopmelaččaid aktevrraide. 13 projeavtta mat ieš guđet láhkái váikkuhit strategalaččat ja dáiddafágalaččat ovdánahttit dieid birrasiid, ožžo doarjagiid. Projeavttat fátmmastit viidát, organisašuvdna- ja fierpmádatovdánahttima rájes gitta digitála infrastruktuvrii, aitto vuođđudemiide, taleantaprojeavttaide, rekrutteremii ja gelbbolašvuođaovdáneapmái. Dáppe sáhtát lohkat eanet muhtin Projeavttaid birra: Dáidagis ja kultuvrras lea dehálaš seanadan rolla

Ohcanáigi: Njukčamánu 4. beaivvi dii. 13.00.

Loga eanet ovdánahttindoaimmaid birra kulturaktevrraide dákko.

Rámmat kultuvrra birra

ARENA lea doarjjaortnet kulturvisttiide ja infrastruktuvrii. Ortnet váikkuha ahte arenat profešunála projeaktavuođđuduvvon dáidda- kultursuorggis olles riikkas sáhttet ovdánahttit infrastruktuvrra buvttadeapmái, gaskkusteapmái ja fágalaš ovdánahttimii. Addo doarjja earret eará ođđa huksemiidda, ođasmahttimii ja ovdánahttit dálá visttiid ja infrastruktuvrra ja teknihkalaš doaimmaide. Don sáhtát maid ohcat doarjagiid ovdaprojeavttaide, arkiteaktagilvvuide ja geahččaladdanprojeavttaide. Ulbmilin lea dagahit boahtteáigásaš ja ealli arenaid mat fátmmastit máŋggadáfotvuođa miehtá riikka.

Ohcanáigi: Geassemánu 3. beaivvi dii. 13.00.

Loga eanet ARENA birra – doarjjaortnet visttiide ja infrastruktuvrraide dákko.

Kultursuodjaleapmi: Dokumentašuvdna, suodjaleapmi ja gaskkusteapmi

Projeaktadoarjja kultursuodjaleapmái galgá movttiidahttit čohkket, dokumenteret, suodjalit ja gaskkustit kulturárbbi. Ulbmilin lea eanet diehtu historjjá, dáidaga, kultuvrraid ja servodateallima birra Norggas otnáš beaivvi rádjái. Galget earenoamážit deattuhuvvot doaimmat mat fátmmastit ollu oaiviliid, nannejit máŋggadáfotvuođa ja nannejit kultursuodjaleami viidodaga.

Kultursuodjaleapmi galgá speadjalastit máŋggadáfotvuođa ja viidodaga vásihusain servodagas. Projeaktavuođđuduvvon áŋgiruššan mas birzzehuvvon joavkkut ja ovttaskas olbmuid jienat ja vásihusat dokumenterejuvvojit ja suodjaluvvojit, ja ahte diehtu sin eallineavttuid ja historjjá birra gaskkustuvvojit nu oallugiidda go vejolaš, lea earenoamáš dehálaš. Čanakeahtes projeaktaruđat dagahit áŋgiruššama ja doaimma našuvnnalaš, regiovnnalaš ja báikkálaš dásis.

Diet earenoamáš ruđat kultursuodjaleami bargui leat várrejuvvon dokumentašuvdnii, suodjaleapmái ja gaskkusteapmái sámi, našuvnnalaš unnitloguálbmogiidda ja doaibmahehttejuvvon olbmuid kulturárbbi ja historjjá váras.

Ohcanáiggit: Njukčamánu 4. beaivvi, geassemánu 3. beaivvi ja čakčamánu 2. beaivvi.

Loga eanet kultursuodjaleapmái projeaktadoarjaga birra dákko.